Мамлекеттик тилди өнүктүрүү жана колдонуу чөйрөсүн кеңейтүү боюнча мыйзамга өзгөртүүлөр кайчы пикирлерди жаратууда.
Ал эми президент Алмазбек Атамбаевдин өмүр бою Кыргызстанда туруп, мамлекетик тилди үйрөнбөй коюу адамгерчиликке сыйбаган көрүнүш дегендей билдирүүсү көпчүлүктүн көңүлүнө жакканы менен айрым диаспораларды кабатыр кылды.
“Ынгайсыз суроолор” телепрограммасынын бул жолку чыгарылышында кыргыз тили ынтымакка данакер боло алабы, мамлекетке ат берген улут тили менен бирге көп тил билүү тажрыйбасына кантип жетебиз деген суроолорго жооп издедик. Талкууга өлкө башчысынын этностор аралык ынтымак боюнча кеңешчиси Эмил Каптагаев жана кыргыз маданиятына эмгек синирген ишмер, кинодраматург Талип Ибраимов катышты.
