Кыргызстанда жаз менен кошо митингдер сезону башталды - “Парламентти таратуу үчүн”, “Кыргызстанды сактап калуу”, “Эл үнү” аттуу кыймылдар март айы ичи ар кандай нааразылык акцияларын өткөрөрүн жарыялады.
Бийлик болсо элди көчөгө эмес, кош айдоого чыгууга үндөп, өлкө дагы бир ыңкылапты көтөрө албасын эскертүүдө. Нааразылык акциялардын көздөгөнү эмне – өлкөнүн өнүгүшүнүн жаңы жолдорун көргөзүүбү же кайсы бир күчтөрдүн бийликке гана келүүсүнүн инструментиби?
“Ыңгайсыз суроолор” телепрограммасныны бул жолку чыгарылышында ушул суроолордун тегерегинде сөз болду. Талкууга коомдук ишмер Жыпар Жекшеев жана “Кыргызстанды сактоо” кыймылынын жетекчиси экс-спикер Мукар Чолпонбаев катышты.
