19 жаштагы кызды жылаңачтап алып, топ балдар суракка алган видео интернетке 6-июлда жарыяланган. Анда өздөрүн "патриот" деген үч-төрт жигит өзбек жарандары менен жыныстык катнашка барган деп кызды жазалап жатканы тартылган.
Ал арада “патриоттордун” бул жосуну коомчулук тарабынан ар кандай бааланууда. Көпчүлүк жигиттердин аракетин айыптаса, күнөөнү кыздын өзүнө оодаргандар да болбой койгон жок.
Сиздин браузер HTML5 ыкмасын колдобой жатат.
Кыздардын үшүн алган “патриоттор”
Мындай окуя Орусиядагы эмгек мигранттары арасында маал-маалы менен кайталанып келет. 2012-жылы Сапаргүл аттуу кыз он чакты эркектин сурагына кабылып, аёосуз сабалган. Бул факты да коомчулукта резонанс жаратканы менен күнөөлүүлөр жоопко тартылган эмес. Адистердин баамында, кордолгон кыздардын көбү ажырашкан үй-бүлөлөрдө чоңоюшкан же багар-көрөрү жок жетим өскөндөр.
Сиздин браузер HTML5 ыкмасын колдобой жатат.
Кыздардын үшүн алган “патриоттор” (2)
Бул тасмадан көп өтпөй эле интенетке дагы бир видео жарыяланган. Эки мүнөткө жакын созулган видеодо кыргызча сүйлөгөн балдар өзбекче сүйлөгөн баланы кармап алып, кыргыз кызы менен жыныстык катнашка барганы үчүн суракка алып, уруп жатканы көрсөтүлөт. Видеонун аягында “экинчи кыргыз кыздарына жолобойм” деген мааниде убадасын алган соң коё беришет. Окуя качан, кайсы жерде тартылганы белгисиз.
Сиздин браузер HTML5 ыкмасын колдобой жатат.
Кыздардын үшүн алган “патриоттор” (3)
Интернеттеги талкууда булар өздөрүн “патриот” атаган балдар болушу мүмкүн экендиги айтылууда. Алардын аракеттерин кубаттагандар да, каршы чыгып, бул улут аралык кастыкты тутандырарына тынчсыздангандар да бар.