Баш калаада аялдама, таштанды салган урналарды, жарык чырактарын бүлүндүргөн учурлар көп катталат.
Мындай көрүнүшкө кантип бөгөт коё алабыз? Шаар тургундарында коомдук мүлктү сактоо маданияты жокпу? Мына ушул жана башка суроолорго “Азаттык+” жооп издеди.
18-апрелге караган түнү белгисиз адамдар Ала-Тоо аянтындагы жоогазындарды тебелеп, уурдап кеткен. Милиция 1200 түп гүл тамыры менен казылганын аныктады. Гүл уурдалган учур Бишкекте буга чейин да катталган. 2013-жылы Бишкектин Түштүк дарбазасындагы Жеңиш паркында президент отургузган бир нече сакура көчөтүн белгисиз адамдар уурдап кетип, кийинчерээк ордуна кайра көчөт отургузулган.
Сиздин браузер HTML5 ыкмасын колдобой жатат.
Маданияттуу элдин мекени таза
Бишкектин түштүк-батыш аймагында жайгашкан Чоң-Арыктагы көрүстөндөн талкаланып, уурдалган күмбөздөр калыбына келип жатат. Ушул кышта бул жактан онго жакын күмбөздү уурдап кетишкен.
Октябрь айылынын тургуну Наталья Летучая чектен чыккан бейбаштардын жоругуна эмне дээрин билбей ыйлап турган кези. Өткөн жумада Аламүдүн район аймагындагы көрүстөндөн дагы отузга жакын мүрзө талкаланган. Бирок бул жактан эч нерсе уурдалган эмес, темир мүрзөлөрдү сындырып, цементтер омкорулган.
"Азаттык" Бишкектин тургундарынын шаар тазалыгына болгон мамилесин текшерип, атайын социалдык эксперимент жүргүздү.