Ак калпак менен Туунун зоболосу

Ак калпак күнүнө байланыштуу майрамдык иш-чаралар өлкөнүн бардык райондорунда уюштурулду.

Мектептерде, окуу жайларда калпактын мааниси тууралуу атайын сааттар өткөрүлүп, калпак жана башка улуттук кийимдердин көргөзмөсү, сүрөт сынактары, концерттер өттү.

Кыргызстандын башка аймактарында да Ак калпак күнүнө карата иш-чаралар 3-марттан тартып өткөрүлө баштаган.

Жыл сайын 5-мартта кыргыз жаштары ак калпакты даңазалап, түрдүү иш-чараларды өткөрүшөт.

Аны утурлай коомдук унааларда, ишкана, окуу жайларда калпак кийгендер көбөйөт.

Өткөн жылы Жогорку Кеңеш 5-мартты Ак калпак жана улуттук кийимдер күнү деп жарыялаган.

5-мартта Ак калпак күнүн белгилөө демилгесин 2011-жылы кинорежиссер Рысбек Жабиров көтөрүп чыккан.