Шайлоодогу 9 пайыздык чек талашка түштү
Сиздин браузер HTML5 ыкмасын колдобой жатат.
Кыргызстанда быйыл кабыл алынган шайлоо мыйзамындагы 9 пайыздык босого талкууга түштү. Айрымдар мындай босого менен парламентке административдик жана финансылык ресурска ээ болгон тараптар гана келип, жалпы коомчулуктун пикири эске алынбай калат деген ойлорун айтышууда. Бул келечекте саясий туруктуулукка кедергесин тийгизип, азыркы бийликке коркунуч туудурарын эскертишүүдө. Бул канчалык орундуу кабатырлык? 9 пайыздык босогону аныктаган мыйзамды өзгөртүүгө болобу? Жогорку Кеңеш менен президент акыркы айтылып жаткан пикирлерге кулак төшөйбү? Талкууга Жогорку Кеңештеги «Өнүгүү-Прогресс» фракциясынын төрагасы Бакыт Төрөбаев, мурдагы премьер-министр, «Ак Шумкар» партиясынын лидери Темир Сариев, Жогорку Кеңештин мурдагы депутаты, саясатчы Ишенбай Кадырбеков жана жарандык активист Динара Ошурахунова катышты.