Модельер Гүлнур Тоялиеванын эмгектери

4-Февраль, 2014

Бакыт Азимканов

Ноокендин Масы айылында өскөн Гүлнур Тоялиева Gülnur Fashion эн белгисинин түптөөчүсү жана учурда Венада Өзөктүк кубаттуулук боюнча эл аралык уюмда иштейт. Бир уулдун энеси.

Gülnur Fashion: "Падышанын кечеси" кечки жана сый көйнөктөрдүн жаңы топтому 2014-жылдын январында тартууланды. Буга чейин Тоялиеванын "Уруулардын аурасы" жана "Жибек жолунун тамчылары" топтомдору элдин назарына тартууланган.

Жети бир туугандын бири жана чыгармачыл үй-бүлөдө өскөн Тоялиева жаштайынан апасынан саркеч көйнөк тигүүнү, сайма саюуну жана курак кураганды үйрөнгөн.

Тоялиеванын "Падышанын кечеси" топтомунан бир көйнөк.

Тоялиеванын атасы музыкага жакын адам болгондуктан, алардын үйүндө ар дайым ыр-күү жаңырып турган.

Тоялиеванын "Падышанын кечеси" топтомунан бир көйнөк.

Айылдык модельердин жараткан көйнөктөрү европалык дизайнерлердин иштеринен кыйла айырмаланганы чоң кызыгуу жаратты.

Тоялиеванын "Падышанын кечеси" топтомунан бир көйнөк.

Тоялиеванын түстүү жана аялзаттын назиктигин баса белгилеген кийимдери австриялыктардын табитин өзгөртүп баштаганы тууралуу бир нече мода басылмалары жазган.

Тоялиеванын "Падышанын кечеси" топтомунан бир көйнөк.

Масыдагы мектепти бүткөн соң, Жалал-Абад университетинин чет тилдер факультетинде окуп жүрүп, 17 жашынан бери ар кандай эл аралык долбоорлорго аралашып келген.

Акыркы үч жылдан бери Австрияда модалуу кийимдерди жаратып келет.

Тоялиева Европада кыргыз колорити колдонулган өзгөчө мода багытын өнүктүргүсү келет.

Тоялиеванын "Уруулар аурасы" топтомунан бир көйнөк.

Тоялиева кичинесинен бери ар кандай кийимдер, жасалгалар менен ар түрдүү образ, моделдерди жаратууну жакшы көрчү.

Тоялиева: Сулуулук – бул эстетика. Ар бир аялда ички жана сырткы сулуулук болуш керек.

Тоялиеванын "Жибек жолунун тамчысы" топтомунан бир көйнөк.

Тоялиеванын "Гүлнур" топтомунан бир көйнөк.

Кыргызстандык модельер-дизайнер Гүлнур Тоялиева.