Жаш дизайнерлердин Бишкектеги таймашы

Сынакка жаш дизайнерлердин 58 коллекциясы тандалып алынган

Кароо-сынак Борбор Азиядагы Америка университетинде өттү.

Дизайнерлердин сынагына катышууга 83 арыз түшкөн. Уюштуруучулар 58 коллекцияны тандап алышкан.

Мода иш-чарасында кийимдер төрт номинацияга бөлүнгөн: этно, мегаполис, авангард жана эксклюзив-чыгармачылык.

Баш байгени багындырган дизайнер Москва шаарында өтө турган “Экзерсиз” эл аралык жаш дизайнерлер сынагына жолдомого ээ болот.

Этно-стилде жеңүүчү болгондор сентябрда Чолпон-Атада өтө турган III Дүйнөлүк көчмөндөр оюндарында мода көрсөтүшөт.