Бишкектин так ортосунда жайгашкан Эркиндик бульвары шаар пайда болгондо негизделген. Тагыраагы, 1898-жылы жаңы гана шаар наамын алган Пишпектин (азыркы Бишкек) тургундарынын демилгеси менен Эмен багы (Дубовый парк) отургузулган.
1902-жылы токой күнүнө карата атайын бакча негизделген. Биз сүйгөн Эркиндик бульварынын тарыхы дал ушул бакчадан башталат.
Андан бери бульвардын аты бир нече жолу өзгөртүлдү. Советтер Союзу учурунда алгач Комсомол көчөсү деп аталса, кийинчерээк революционер Дзержинскийдин ысымы берилген. Кыргызстан өз алдынча эгемендик алгандан кийин Эркиндик болуп өзгөртүлгөн.
Күн салкында сейилге чыккан эне-бала.
Эс алып отурган шаар тургундары.
Бульвардагы күз.
Айрымдар бул жерге жөн гана сейилдегени келсе, кээ бир шаар тургундары спорт менен машыгып ден соолугуна кам көрүшөт.
Бульвардан бакыт таап же ишкердик менен электенип үй-бүлөсүн баккандар да жок эмес.
Нуржигит бульварда балмуздак сатып иштейт. Анын балмуздактарынын баасы 30 сомдон башталат.
Бульварды бойлой жайгашкан ар бир үй Кыргызстандын түптөлүп, өз алдынча мамлекет болушуна салым кошкон инсандардын ысымы менен аталган.
Бул мамлекеттик жана коомдук ишмер, мурдагы маданият министри, Кыргыз эл баатыры Күлүйпа Кондучалова жашаган үй.
Конституциялык соттун мурдагы имараты.
Эстеликтер, имараттар борбор калаанын тарыхынын күбөлөрү.
Эркиндик бульвары менен Москва көчөсүнүн кесилишине орнотулган мурдагы премьер, маркум Насирдин Исановдун эстелиги.
Эркиндиктин кышы сүрдүү, жазы менен жайы түркүн гүлгө толуп өзүнчө керемет. Ал эми күзү өтө эле сүйкүмдүү.
Бульвардагы гүлдөр дагы башкача. Бири гүлдөп бүтсө, экинчиси бажыраят.
Бульвардын түштүк тарабында Бишкектин темир жол вокзалы жайгашкан. Баш калаага келген коноктор дароо эле жашыл гүл бакчага түшөт.
Темир жол вокзалы.
Сабыр 25 жылдан бери бульвардагы бак-дарактарды сугарып, карап иштеп келе жатат.
Бульварда "Ала-Тоо" кинотеатры жайгашкан.
Ала-Тоо кинотеатры. Мурда жана азыр.
Бульвардагы мода көргөзмөсү. 19-август, 2021-жыл.
Эркиндикте күн алыс түрдүү иш-чаралар өтүп турат.
Бульвардагы кечки жашоо.