Пандемия маалындагы мектептер
Косоводогу мектептердин биринде окуучу дезинфекция кыла турган өтмөктөн өтүп жаткан учуру. Косоводо пандемияга байланыштуу окуу эки жума кеч башталды.
Мугалим окуучулардын колуна дезинфекциялоочу каражат чачып жаткан учуру. Пакистан. 15-сентябрь, 2020-жыл.
Айнектен кооздолуп жасалган коргонуучу беткап кийип сабакка келе жаткан окуучу кыз. Афина, Грекия. 14-сентябрь, 2020-жыл.
Башталгыч класстын окуучулары аралыкты сактап жаткан учуру. Косово. 14-сентябрь, 2020-жыл.
Медицина кызматкери окуучу кызга колду дезинфекцияоочу каражатты кантип колдонууну үйрөтүп жатат. Румыния. 14-сентябрь, 2020-жыл.
Карачи шаарындагы жеке менчик мектептердин биринде классты дезинфекция кылып жаткан жумушчулар. Пакистан. 14-сентябрь, 2020-жыл.
Медициналык текшерүүдөн өткөн балдар класска кирип бара жаткан учуру. Пандемияга байланыштуу Румынияда да мектептер эки жума кеч ачылды жана учурда окуучулардын жарымы мектепте окуса, калгандары аралыктан окуп жатат.
Чоң класстын окуучулары социалдык аралыкты сактап турат. Коронавирус инфекциясынын жайылып кетүү коркунучунан улам Грекияда мектептер 14-сентябрда ачылды. Окуучулар мектепте беткап тагынып жүрүүгө тийиш.
Герат шаарындагы мектептердин биринде сабак окуп жаткан кыздар. Ооганстан. 24-август, 2020-жыл.
Мектептеги алгачкы сабак. Бухарест, Румыния. 14-сентябрь, 2020-жыл.
Исламабад шаарындагы кыздар коллежинин кызматкерлери окуу жайынын кире беришинде окуучулардын дене табын өлчөп жатат. Пакистанда мектептер алты айлык тыныгууудан кийин 14-сентябрда ачылды.
Сабак башталар алдында электрондук аппараттан дене табын өлчөп жаткан мугалим. Рим. 14-сентябрь, 2020-жыл.
1-класстын окуучулары сабак учурунда. Бишкек. 1-сентябрь, 2020-жыл. Кыргызстанда окуу 1-сентябрда башталганы менен мектептерде 1-класстын окуучулары гана окуп жатат. Ал эми калган класстар окууну аралыктан улантууда.
Италияда мектептер расмий 14-сентябрда ачылды. Бирок көпчүлүк мектептер 1-сентябрдан баштап пандемияга байланыштуу окуу программасынын арта калган окуучуларды окутту.
Окуучулар жана мугалимдер социалдык аралыкты сакташ үчүн белгиленген сызыктардын ичинде отуруп сабак өтүшүүдө. Ооганстан. 24-август, 2020-жыл.
Карачи шаарындагы мектептердин биринде мугалим коронавирустан сактануунун эрежелери жазылган тактайды дубалга илип жаткан учуру. Пакистан. 15-сентябрь, 2020-жыл.
Сабак учурунда беткап кийип отурган студенттер. Пешавар, Пакистан. 15-сентябрь, 2020-жыл.
Тактада илинип турган сүрөт. Бухарест. 14-сентябрь, 2020-жыл.
Румыниядагы мектептердин биринде сабакта отурган окуучулар. 14-сентябрь, 2020-жыл.
Окуучулар менен мугалимдер мектептин короосунда социалдык аралыкты сактап турган кези. Румыния. 14-сентябрь, 2020-жыл.