22-февралда Кыргызстандын президенти Садыр Жапаров Кытайдын лидери Си Цзинпин менен телефондон сүйлөштү.
Сүйлөшүү учурунда Си Цзинпин Садыр Жапаровду Кытайга расмий иш сапар менен келип кетүүгө чакырды.
Бул тууралуу "Азаттыкка" президенттин басма сөз катчысы Галина Байтерек кабарлады.
Дагы караңыз Жапаров тышкы карыздын кесепетин эскерттиТелефон менен сүйлөшкөн эки лидер кызматташуунун өзөктүү багыттарын, анын ичинде соода-экономикалык жактан өз ара байланышты арттырып, коронавирус илдетинин жайылышына каршы күрөшүү боюнча биргелешкен чараларды талкуулашкан.
Садыр Жапаров Кытай тарапка ар тараптуу колдоосу үчүн, анын ичинде коронавирус оорусуна каршы эмдөө үчүн вакцина берүү боюнча чечимине ыраазычылык билдирди.
Дагы караңыз Байден Кытайды Шинжаңдагы саясаты үчүн сындадыБыйыл 10-январда мөөнөтүнөн мурда өткөн президенттик шайлоодо жеңип чыккан Садыр Жапаровдун чет элге алгачкы иш сапары 24-25-февралда Орусиянын борбору Москвадан башталганы турат.
Кыргызстан Кытай менен Шанхай Кызматташтык Уюмунун алкагында да кызматташып келет.
Кытайдын ШУАРында Кызыл-Суу Кыргыз автоном облусу жана бир катар кыргыз автоном кыштактары бар. Жалпысынан КЭРде 200 миңден ашуун жергиликтүү кыргыздар байырлашат. Андан тышкары кыргызстандык студенттер да КЭРде таалим алып жатышат. (BCh)
Дагы караңыз
Салливан: АКШ жакынкы арада хакердик чабуул боюнча Орусияга жооп кайтарат Марипов: Жакында мамлекеттик кызматкерлер аттестациядан өтөтӨкмөт Матраимовдун "Эльдорадосун" калкты тейлөөчү борборго айлантатКесиптик орто билим алгандардын жарымынан көбү кыздарЧек арада кармалгандардын жакындары жардам сурашты