Апрель окуясы: унутулган каармандар
Сиздин браузер HTML5 ыкмасын колдобой жатат.
2010-жылы 7-апрелде борбордук аянтта ок тийген жарандар түзгөн “Айкөл Ала-Тоо” коому соңку 12 жыл ичинде революция учурунда алган жараатынан улам 65 адам каза болгонун билдирди. Бакиевдин бийлигине каршы чыгып, кан төгүлгөн ыңкылапта жалпысынан 152 кишинин өмүрү кыйылды. Апрелчилер Жал кичи районундагы мамлекет берген үйдө турушат. Алардын айтымында, соңку жылдары Апрель ыңкылабына карата мамиле өзгөрүп жатат. Мындан тышкары алар 2010-жылдагы үмүттөрү да акталбаганына өкүнүшөт.