“Азаттык+” жаштар берүүсүнүн кезектеги чыгарылышы 8-март – Аялдардын эл аралык күнүнө арналып, анда азыркы аялдардын бейнеси тууралуу сөз болду. Азыркы аял ким? Анын энелик, аялдык милдети алгачкы орундабы же биринчи орунда кызматпы? Кийинки кезде үй-бүлөлөрдүн ыдырашына аялдардын күнөөсү көп деген көз караш бекемделип баратат. Ага эмне себеп?
“Үйдүн куту – аял” деп коюшат эмеспи. Азыркы аял үйдүн кутубу же акча тапкан үй-бүлө багарбы? Эмне үчүн аялдар армияда, милицияда кызмат өтөөгө өз ыктыяры менен бара башташты? Ушул жана башка суроолорго жоопту бул берүүдөн издеңиз.
