“Жазгы шаң” аттуу кайрымдуулук концерт Кыргыз-Түрк “Манас” университетинин студенттери тарабынан бүгүн кечинде Бишкектеги Спорт ордосунда өткөрүлөт. Уюштуруучулардын “Азаттыкка” билдиришинче, бул концертке кыргызстандын бир катар ырчы, өнөрпоздору жана студенттер катышат. Концерттен түшкөн каражат Ош аймагындагы мектеп-интернатка китепкана ачуу үчүн жумшалмакчы. КТМУ студенттери төртүнчү жолу кайрымдуулук концерттин уюштуруп жатышат. (KKs)
