Кечээги шайлоодо “Чыныгы финндер” деп аталган улутчул партия, алдын ала жыйынтыкка караганда, 20% жакын добуш топтогон. Бул партия Европадагы карызга баткан өлкөлөрдү коргоого Финляндия катышпашы керек дегендей позицияда турат. Биринчи орунду кайра эле бийликтеги консервативдүү “Улуттук коалициялык партиясы” ээледи. Анын добушу да 20% бир аз эле жогору. Үчүнчү позицияда оппозициялык социал-демократтар турушат. Шайлоонун акыркы расмий жыйынтыгы бүгүн белгилүү болот.
