Насыяларын төлөөдөн кыйналган 100гө чукул киши Ак үй алдында нааразылык акциясын уюштурушту. Алар күзгө чейин үстөк пайыз төлөөнү токтото турууну суранып жатышат. “Үйлөрүн коюп насыя алгандар турак-жайынан, машиналарынан айрылып атат”, - деди “Азаттыкка” пикетке чыккандардын бири Авазбек Садыков. Мындан сырткары алар микрокредиттөө компанияларын жоюну бийликтен талап кылышууда. Айрым банк өкүлдөрү болсо бул адамдар башында болгон шартка көнүп насыя алышканын белгилеп жатышат. (КЕ)
