30-марттын аба ырайы: Тоолуу аймактарга кар жаайт

Шашылыш билдирүү

Кыргызгидромет борбору билдиргендей, 30-мартта түнкүсүн жана эртең менен Чүй, Талас облустарынын дыйканчылык аймактарында абанын температурасы 1…-3°, Ош, Жалал-Абад, Баткен облустарынын тоо этектериндеги райондорунда 0…-2 градуска чейин түшүп, үшүк жүрөт. Мындай үшүк жемиш бактарынын гүлдөрүнө, бүчүрлөрүнө, байлаган мөмөлөрүнө, гүлдөгөн жер жемиштерге коркунучтуу.

30-мартта түнкүсүн Чүй, Ош, Баткен, Ысык-Көл облустарынын айрым жерлеринде жаан, тоолуу райондорунда кар жаашы ыктымал. Жалал-Абад облусунун тоо этектеринде жана тоолуу райондорунда кар жаашы мүмкүн. Күндүз Ош, Жалал-Абад, Баткен Ысык-Көл, Нарын облустарынын айрым жерлеринде жаан, тоолуу райондорунда кар жаайт. Чүй облусунун тоолуу райондорунда кар жаашы күтүлөт, Чүй облусунун дыйканчылык аймактарында жана Талас облусунда жаан-чачын болбойт. Тоолуу райондордо жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы:

Чүй өрөөнүндө түнкүсүн 1…6, күндүз 9…14;

Талас жергесинде түнкүсүн 1…6, күндүз 8…13;

Баткен, Ош, Жалал-Абад облустарында түнкүсүн 1…6, күндүз 13…18;

Ысык-Көл менен Нарында дубанында түнкүсүн 0…-5, күндүз 5…10;

Бишкек шаарында ала булут каптап турат, бир аз жаан жаашы мүмкүн. Абанын температурасы түнкүсүн -1…+1°, күндүз 10…12° болот.

Дагы караңыз

Орусиянын Днепрге жасаган чабуулунан шаарда ири өрт чыкты, төрт өмүр кыйылдыЗеленский АКШнын украин жер казынасы боюнча жаңы сунушуна комментарий бердиОрозо айт намазы жума мечиттерде окулатКыргызстанда балдарына алимент төлөбөй жүргөндөрдүн саны 60 миңге жетти