Президент Садыр Жапаров Эфиопиянын борбору Аддис-Абеба шаарына Кыргызстандын элчилигин ачуу боюнча жарлык чыгарды. Бул тууралуу маалымат 18-мартта мамлекет башчынын сайтына жарыяланды.
Мындай чечим Эфиопия менен саясий, соода-экономикалык, илимий-техникалык жана маданий байланыштарды өнүктүрүү үчүн кабыл алынганы жазылган.
Жарлыкта Министрлер кабинетине бул үчүн Тышкы иштер министрлигине дагы төрт штаттык бирдик кошуп берүү тапшырмасы коюлган.
Эфиопиядагы элчилик Кыргызстандын Африка континетинде жайгашкан өлкөлөрдөгү биринчи дипломатиялык мекемеси болмокчу.
ТИМдин сайтындагы маалыматка ылайык, учурда Кыргызстандын 31 өлкөдө элчилиги, он шаарда башкы консулдугу иштеп жатат.