Бишкекте 16-мартта турак үйдүн 9-кабатынан эки бала кулап кетип каза болду. Бул тууралуу Бишкек шаардык милициянын басма сөз кызматы 17-мартта билдирди.
Бул факты боюнча саат 16:24тө милицияга маалымат түшкөн. Ленин райондук милициясынын ыкчам-тергөө тобу окуя болгон жерге барган жана кулап түшкөн балдар ошол жерде каза болгон. Алар төрт жана эки жашта болушкан.
Учурда зарыл экспертизалар дайындалып, окуянын чоо-жайы такталууда.
Ушул эле күнү милицияга Бишкектин 7-кичи районундагы үйдүн 6-кабатынан бир адам кулап кеткени боюнча маалымат түшкөн. Октябрь райондук милициясынын басма сөз кызматы кабарлагандай, кулап кеткен алты жашар бала болгон. Ага медициналык жардам көрсөтүлгөнүнө карабай каза болгон. (TAb)