Коргоо министрлиги Бишкектеги Дайыр Асанов атындагы кыргыз улуттук аскер лицейинин 2-курсунун студенттери 7-мартта өз билемдик менен чыгып кетип калышканын билдирди.
Буга курсанттар лицейдин педагогикалык жамаатынын талаптарын түшүнбөй калганы себеп болгону айтылды. Ушул тапта лицейдин курсанттарына жана кызмат адамдарына байланыштуу териштирүү иштери жүрүп жатат.
Коргоо министрлиги баш-аягы канча курсант чыгып кеткенин, алар кайра аскер лицейине кайткан-кайтпаганы тууралуу маалымат берген жок.
2019-жылы да ушул эле аскер лицейинен 50дөн ашык курсанты уруксатсыз чыгып кетип, кайра окуу жайга кайтып келишкен. (BTo)