Бишкектин Свердлов райондук ички иштер башкармалыгына (РИИБ) 19-февраль күнү А.Х. аттуу жаран кайрылып, 36 жаштагы күйөөсү дайыма зордук-зомбулук көрсөтүп келерине даттанган. Ошондой эле 19-февраль күнү саат 21:30 чамасында ур-токмокко алып, бычак шилтеп, жаракат келтиргенин маалымдаган.
Бул тууралуу аталган РИИБдин басма сөз кызматы маалымдады. Ага ылайык, факт боюнча Тергөө кызматы тарабынан Кылмыш-жаза Кодексинин 138-беренеси ("Уруп-сабап кыйноо") менен кылмыш иши козголгон.
Тергөөнүн жүрүшүндө М.М. аттуу жаран буга чейин да үй-бүлөлүк зомбулук фактылары боюнча бир нече жолу жоопкерчиликке тартылганы аныкталган.
"Иликтөө жана ыкчам-издөө иш-чараларынын жүрүшүндө, кылмышка шектүү 1988-жылы туулган М.М., аттуу жаран кармалып, Свердлов РИИБдин убактылуу кармоочу жайына киргизилди", - деп билдирди басма сөз кызматы.
Кылмыш-жаза кодексине ылайык үй-бүлөлүк зомбулук көрсөтүүгө айыпталган жаран үч жылдан беш жылга чейин эркинен ажыратылат.
Кыргызстанда 2024-жылы ички иштер органдарынын маалыматты каттоо электрондук журналына 17 316 үй-бүлөлүк зомбулук фактысы катталган. Бул 2023-жылга салыштырганда 32,1% же 4 212 окуяга көп.
Соңку жылдары Кыргызстанда аялдарга жана балдарга каршы үрөй учурган зомбулук фактылары катталууда. (ZKo)
Дагы караңыз
АКШнын Федералдык чалгын бюросун Кэш Патель жетектейт2024-жылы Кыргызстан 1,3 млрд долларлык насыя, грант тууралуу келишимге кол коюлганы кабарландыКиевде Зеленский менен Трамптын атайын өкүлү Кит Келлог жолугуштуИзраил ХАМАС радикал тобу өткөрүп берген сөөктөрдүн бири башка экенин билдирдиЖер кодексине нааразылардын акциясы, бийликтин жообу