Бишкек-Ош жолундагы "Сосновка" бекетинде жүк ташыган машиналарга киргизилген убактылуу чектөө бүгүн, 9-декабрда саат 9:00до алынды. Бул тууралуу Өзгөчө кырдаалдар министрлиги кабарлады.
Мекеме 8-декабрда жолдор тайгак болуп, ар кандай кырсыктарды жана тыгынды алдын алуу үчүн "Сосновка" постунда чектөө киргизген.
Кыргызстанда кан жолдордо аба ырайына байланыштуу маал-маалы менен чектөөлөр киргизилип жатат.
Тиешелүү мекемелер узак жолго чыккан айдоочуларга дөңгөлөктөрүн алмаштырып, ар кандай кырдаалга даяр болуу керектигин эскертип келет. (MKt)