Жакында чыгаан акын, жазуучу, котормочу, сынчы, публицист Салижан Жигитовдун эки китеби – поэзия жана проза жыйнактары жарык көрдү. 2006-жылы көзү өткөн белгилүү адабиятчынын баалуу мурастарынын айрым бөлүгүнүн жарыкка чыгышы кыргыз адабиятындагы быйылкы жылдын маанилүү жаңылыгы катары бааланууда. Салижан Жигитовдун чыгармаларынын өзгөчөлүгү, сабагы, китептерин басып чыгаруунун таржымалы тууралуу адабиятчынын шакирти, акын, жазуучу Нуралы Капаров акын, журналист Бурулкан Сарыгулова менен маегинде айтып берди.
Ввод