4-октябрда "Жыл мугалими-2024" сынагы жыйынтыкталып, анын жеңүүчүсү болуп Ош шаарындагы "Билим" мектеп-лицейинин окутуучусу Назгүл Каныбекова табылды.
Бул тууралуу Билим берүү жана илим министрлиги маалымдады.
Сынактын шартына ылайык, эми ага Бишкектен батирдин ачкычы ыйгарылат.
Сынактын шартына ылайык, "Башталгыч класстардын мыкты мугалими" жана ар бир предметтик сабактар боюнча жылдын мыкты мугалимдери аныкталды.
4-октябрда мектепке чейинки билим берүү мекемелеринин адистеринин арасындагы сынак да жыйынтыкталды. Ага ылайык, "Жылдын мыкты тарбиячысы" деген номинация боюнча 1-орунду Ош шаарындагы №35 Асан-Үсөн бала бакчасынын тарбиячысы Махабат Калмаматова, 2-орунду Бишкек шаарындагы №12 “Баластан” бала бакчасынын тарбиячысы Асел Асыкбаева, ал эми 3-орунду Ат-Башы районунун “Казыбек-Жеткинчек” бала бакчасынын тарбиячысы Айзада Токтоналиевна утуп алды.
Мындан тышкары "Жылдын мыкты усулчусу", "Жылдын музыкалык жетекчиси" деген номинациялар боюнча да сынактар болуп, жеңүүчүлөр аныкталды.
Быйылкы сынактар Кара-Кыргыз автоном облусунун жана улуттук билим берүү системасынын түзүлгөнүнүн 100 жылдык мааракесине карата өткөрүлдү.(ZKo)
Дагы караңыз
Украина Орусия дрон жана ракета менен аткылаганын, үч киши каза болгонун билдирди Кыргызстан Газадагы жана Ливандагы окуяларга тынчсыздануусун билдирдиБейрутта бир нече жолу катуу жарылуу болдуМинистр Кыргызстанда курууну пландап жаткан АЭС боюнча маалымат бердиТөкмө акын Темирбек: Маданият айдыңы, майдаланды бардыгы...