Жогорку Кеңеш 25-сентябрдагы сессиясында Кыргызстандын мурдагы президенти Аскар Акаевдин экс-президент макамын калыбына келтирип берүү боюнча депутаттык комиссия түзүү тууралуу арызын талкуусуз четке какты. Мурдагы мамлекет башчы сентябрь айынын башында парламентке кайрылып, аны экс-президент макамынан ажыраткан 2010-жылдагы Убактылуу өкмөттүн декрети мыйзамсыз болгонун жүйөө келтирген. Элдик толкундоодон кийин бийликтен кулаган Акаевдин кайрылуусу коомчулукта кызуу талкууга алынууда. “Эксперттер талдайт” берүүсүнүн бул чыгарылышында Аскар Акаевдин кайрылуусунан улам чыккан талкууларды, жалпы эле экс-президент макамы тууралуу сөз кылабыз.
Акаевдин "экс-президент" макамы: Жогорку Кеңештин жообу
Сиздин браузер HTML5 ыкмасын колдобой жатат.
25-сентябрда Жогорку Кеңеш Кыргызстандын мурдагы президенти Аскар Акаевдин "экс-президент" макамын калыбына келтирип берүү боюнча депутаттык комиссия түзүү тууралуу арызын талкуусуз четке какты. Акаев Жогорку Кеңешке кайрылып, ага "экс-президент" макамын калыбына келтирип берүүнү суранган.