Хорватияда Карылар үйүндөгү куралдуу кол салуунун чоо-жайы иликтенип жатат. Жергиликтүү маалымат каражаттары билдиргендей, кеминде алты кишинин өмүрү кыйылды.
Окуя бүгүн 22-июлда эртең менен өлкөнүн түштүк аймагындагы Даруваре шаарында болду. Кол салууга шектүү киши кармалды. Каза болгондор арасында анын апасы бар экенин жергиликтүү полиция маалымдады.
Кол салган киши мекеменин ичине тапанча менен кирип барып, апасына жана башка адамдарга, кызматкерлерге ок чыгарган. Беш киши ошол жерден, алтынчысы ооруканадан көз жумду. Каза тапкандардын орточо курагы 90 жаш экенин Хорватиянын премьер-министри Андрей Пленковичке таянып Večernji list гезити жазды.
Каза тапкандар мындан да көп болушу ыктымал экени, анткени бир нече киши азыр ооруканада жатканы, экөөнүн абалын дарыгерлер өтө оор деп баалап жатышканы маалымдалды. (RK)
Дагы караңыз
Укук коргоочулар Иранда шайлоодон кийин өлүм жазасы кайра күчөгөнүн билдирүүдөӨз аймактык бүтүндүгү үчүн салгылашып жаткан украиндердин мамлекеттүүлүк күнү Бишкекте майрамдалдыСамарада борборазиялык эки өспүрүм депутатты "өлтүрүүгө аракет кылган" деп айыпталуудаАКШдагы шайлоо: Трампка ким атаандаш болот?