Жогорку Кеңештин депутаты Руслан Жакышев АКШга мыйзамсыз бара жатып Мексика түрмөлөрүндө эки жылдан бери жаткан кыргызстандыктар жөнүндө маалыматы бар экенин айтып, тийиштүү органдарды муну тактоого чакырды. Жакышев бул тууралуу 24-майда “Ишеним” фракциясынын жыйынында айтты.
“Акыркы жылдары Орусиядагы, Казакстандагы, Бишкектеги жүздөгөн кыргыздар Мексика аркылуу АКШга агылып жатат. Мексиканын, АКШнын түрмөсүндө камалып калгандары болууда. Алар деле жыргаганынан чет өлкөгө чыгып жаткан жок. Мексиканын түрмөсүндө эки жылдап жаткан кыргыздар бар экен. Жалгыз эле Орусиядагы мигранттарды эмес, ошол жактарды дагы карасаңыздар”, - деди депутат.
Эмгек, социалдык камсыздоо жана миграция министринин орун басары Бакыт Дарманкул уулу бул боюнча иштер жүрүп жатканын айтты.
Соңку 2-3 жылдын ичинде АКШга мыйзамсыз барып иштөөгө умтулган кыргызстандыктардын саны көбөйдү. АКШга барам деп алданып, ара жолдо калган мигранттар да болууда. Америкага жол тарткандар арасында Мексиканын чек арасынан өтө албай артка кайткандар да бар. (TSh)
Сиздин браузер HTML5 ыкмасын колдобой жатат.
Америкага агылган мыйзамсыз мигранттардын азаптуу жолу
Дагы караңыз
ИИМге 18-майдагы тополоңго байланыштуу 266 маалымат түштү