Ноокаттагы №5 бир мандаттуу округдан парламентке мөөнөтүнөн мурда шайлоого эки талапкер - Айболот Айдосов жана Бакытбек Марипов катталды. Ошондой эле Ысык-Көлдөгү №36 бир мандаттуу округдан Атабек Мазымканов талапкерлигин көрсөткөнүн Борбордук шайлоо комиссиясы маалымдады.
Депутаттыкка ат салышууну каалагандардан арыз 30-майга чейин кабыл алынат. Шайлоо 30-июнда болот.
Эки округда мөөнөтүнөн мурда парламенттик шайлоо өткөрүүнүн чыгымы 21 миллион 748 миң сом деп эсептелген.
2021-жылы Жогорку Кеңештин VII чакырылышына Ноокаттан шайланган Жусупбек Коргонбай уулу 22-апрелде мандатын тапшырган. Ал эми Ысык-Көлдөн шайланган Максатбек Сарбагышевдин 25-апрелде мандатын тапшырууга арыз жазган.
Жогорку Кеңештин VII чакырылышы 2021-жылы декабрь айында ишин баштаган. Андан бери ар кандай себеп менен 20га чукул депутат мандатынан ажыратылды.
28-апрелде Ош, Баткен, Кара-Суудагы үч округда кезексиз шайлоо болуп, үч жаңы депутат шайланды. (SE)
Дагы караңыз
Президент Кытай-Кыргызстан-Өзбекстан темир жолунун курулушу быйыл башталарын кайталадыОрусия Белгороддо дрон чабуулунан жети киши каза болгонун билдирдиКазакстан: аялынын өлүмүнө айыпталган экс-министрге сотто акыркы сөз берилди