Бүгүн, 6-майда Кыргызстан боюнча тогуз мектеп жана эки бала бакча пайдаланууга берилди.
Ош шаарындагы И.Раззаков атындагы мектепти президент Садыр Жапаров ачып, билим берүү тармагына көнүл буруу күчөтүлө турганын айтты. И.Раззаков мектеби 700 орундуу. Архитектура, курулуш жана турак жай - коммуналдык чарба мамлекеттик агенттигинин директору Нурдан Орунтаевдин айтымында, анын курулушу 2013-жылы башталган. 2022-жылы республикалык бюджеттен 280 млн сом бөлүнгөн.
Ушул эле күнү Ысык-Көлдө төрт, Баткенде бир жана Чүйдө бир мектеп пайдаланууга берилди.
Мамлекет башчы бир күндүк жумушчу сапары менен Ош облусуна 6-майда барды. Президент Ош шаарынын мэриясынын жана президенттин Ош облусундагы ыйгарым укуктуу өкүлүнүн аткарган иштери жана пландары тууралуу маалыматы менен таанышат.
Былтыр Ысык-Көл облусунда аз камсыз болгон үй-бүлөлөрдүн таланттуу балдары билим ала турган президентке караштуу мектеп-гимназия ачылган. Мамлекет башчы Оштогу сөзүндө аталган мектеп-гимназияга балдарды окутуу көбөйөрүн билдирди.
Кыргызстанда 2350дөй мектеп бар, аларда болжол менен 1,5 миллионго жакын окуучу билим алат. Ушул тапта Билим берүү жана илим министрлиги мектептерге 12 жылдык окутуу системасын камтыган "Алтын Казык" программасын сунуштап жатат. (DSh/КЕ)
Дагы караңыз
Президент Садыр Жапаров 9-майда Москвадагы парадга катышатКыргызстанда бир жылда майнингден 93 млн сом салык түштүБишкекте маңзат, синтетикалык кошулмалар табылган түнкү клуб жабылдыБаткенде сел малды агызып, жолдор жабылды