Улуттук коопсуздук боюнча мамлекеттик комитет (УКМК) Бишкекте наркы 500 миң долларга бааланган ири көлөмдөгү баңгизаттарды сактоочу жай табылганын кабарлады.
Атайын кызмат тараткан маалыматка ылайык, Бишкек шаарындагы гараж кооперативдеринин биринде Кыргызстандын мыйзамдарында өндүрүүгө жана жайылтууга тыюу салынган “Мефедрон” баңгизатынын компоненттери болгон химиялык заттардын көмүлгөн жайы аныкталган.
Тергөөдө 300 килограммдан ашык порошок түрүндөгү жана 360 литрге жакын суюктук түрүндөгү химиялык заттар алынды. Ал заттардын бири синтетикалык “Альфа-Пирролидинопентиофенон” (Альфа-ПВП) дарысы болсо, калган заттар “Мефедрон” синтетикалык дарысынын реагенттери болуп чыкты.
Алдын ала эсептөөлөр боюнча, алынган каражаттардан 10 кг мефедрон өндүрүлүп, ал 10 миң дозадан ашмак, маңзатты сатуудан 500 миң доллар каражат түшмөк. Баңгизаттарды мыйзамсыз сактоо менен алектенген адамдарды аныктоо иштери жүргүзүлүүдө.
УКМК жакында эле Кыргызстанга, андан Казакстан, Өзбекстан жана Кытайга маңзат ташуу аркылуу көмүскө кирешелерди адалдоо менен алектенген трансулуттук кылмыштуу топтун ишмердигине бөгөт коюлганын маалымдаган. Анда Бишкектеги кампалардын биринен салмагы төрт тоннадан ашуун апийим куурайы табылган. (BTo)
Дагы караңыз
Газа: Блинкен кайрадан Жакынкы Чыгыш өлкөлөрүн кыдыруудаЭсеп палатасы КРСУда миллиондогон сомдук каржылык мыйзам бузууларды аныктадыИюнь окуясы: Адам өлтүрүүгө шек саналып издөөдө жүргөн адам кармалдыУкраина төрт облусу Орусиянын чабуулуна кабылганын билдирди Украинадагы согушка катышкан кыргызстандык Орусиядан саясий башпаанек алары айтылдыШайлообек Атазов парламентке басым күчөгөнүн айтты