АКШнын Коргоо министрлиги Украинага баасы 6 миллиард долларлык аскердик жабдык, ок-дары жөнөтүлөрүн билдирди. Бул Орусия Украинага кол салып, бастырып киргенден берки Вашингтондун Киевге көрсөткөн бир жолку ири жардамы болуп калмакчы.
Жабдыктардыр арасында Patriot абадан коргонуу комплеси үчүн ракеталар бар, бирок бул жолку жардамга комплекстин өзү кирген эмес.
АКШнын президенти Жо Байден 24-апрелде Украинага дээрлик 61 млрд доллар жардам берүү мыйзамына кол койгон.
Вашингтон курал-жарак Украинага ушул жумада жеткириле баштарын билдирген. Бир миллиард долларлык биринчи пакетке абадан коргонуу күчтөрү, артиллерия, ракета системалары үчүн ок-дары жана бронетехника болгон.
Украина Орусиянын толук масштабдуу согушуна кабылган алгачкы жылы Батыштагы өнөктөштөрүнөн курал-жарак жагынан жардам алып, күрөшүн жүргүзгөн. Бирок былтыртан бери андай жардам дээрлик токтогон.
Украин бийлигинин өлкөнүн аба мейкиндигин Орусиянын чабуулдарынан коргоп берүү өтүнүчү да колдоо таппай келет.
Дагы караңыз
Быйылкы битир-садагадан 57,5 миллиондой сом чогулдуНиязбеков шайлоодо мыйзам бузууга жол бергендер жазаланарын эскертти Өкмөттө “чет элдик өкүл” мыйзамын аткаруу маселелери талкууландыЖК: төрт же анда көп балалуу үй-бүлөлөрдү көп балалуу деп таануу сунушталдыУкраинадагы согушта мерт болгон 51,6 миң орусиялыктын тек-жайы такталды