Борбор калаанын Кара-Жыгач конушунун 28 жаштагы тургуну аялын сабоого шектелип кармалды. Бул тууралуу Бишкектин Октябрь районунун ички иштер башкармалыгынын (РИИБ) басма сөз кызматы кабарлады.
Маалыматта айтылгандай, аталган айылдын тургуну, Б.Л. аттуу аял милицияга арыз менен кайрылып, жолдошу К.Т. аттуу жаранга чара көрүүнү суранган. Ал 21-апрель күнү күйөөсү үйүнүн короосунда жүрүп, денесине эч себепсиз залал келтиргенине даттанган.
Бишкек шаарынын Октябрь РИИБдин Тергөө кызматы бул факт боюнча Кылмыш-жаза кодексинин 280-беренесине (бейбаштык) ылайык кылмыш иши козгогон.
Милиция кызматкерлери тергөө жана ыкчам-издөө иш-чараларынын жүрүшүндө 1996-жылы туулган К.Т. аттуу жаран аныктап, кармаган.
Борбор калаанын милициясы үй-бүлөлүк зомбулуктан жабыр тарткандарды жана күбө болгон адамдарды жакынкы милиция кызматкерине же 102 кыска телефону аркылуу тез арада кабарлап коюуга чакырат.
Мунун алдында бул окуянын видеосу интернетке тараган. Тасмада көрүнүп тургандай, эркек киши аялын автоунааны айлантып кууп, колунда кандайдыр бир нерсе менен чапканы, соңунда кармап, сабап жаткан жери тартылып калган. Видеодо аялын сабаган кишинин, келиндин сабалган денесинин жана автоунаанын сүрөтү да жарыяланган. (ErN)
Дагы караңыз
Жалал-Абаддын Аксы районунда да үйлөрдү суу каптадыОрунбеков Коргонбай уулунун мандат тапшыруусу министр Бейшеналиевдин ишине тиешеси жоктугун билдирдиАКШ Сенаты Украинага 61 млрд долларлык жардам берүүнү колдодуЖеневада "Түрк маданиятынын жумалыгы" өтүп жатат БУУнун адам укуктары боюнча өкүлү Газа тууралуу "үрөй учурган" маалыматты дыкат иликтөөгө чакырды