Талас районунун аймагында 20-21-22-апрель күндөрү катуу жааган жаандан катталган селдин кесепеттерин жоюу жана башка кечиктирилгис иш-чараларды өз убагында аткаруу үчүн район аймагына өзгөчө кырдаал режими киргизилди. Өзгөчө кырдаалдар министрлиги кабарлагандай, тиешелүү буйрукту район акими кабыл алды.
22-апрелде Кең-Кол айыл аймагынын Ак-Жар айылында, Беш-Таш айыл аймагынын Көк-Кашат айылында жана Чоң-Алыш айыл аймагынын Кара-Суу айылында сел жүргөн. Селдин кесепетинен 250 турак жай, короо-сарайлар, ички чарбалык жолдор, 1 көпүрө жабыркаган.
Учурда өзгөчө кырдаал катталган аймактарда комиссия тактоо иштерин жүргүзүүдө.
Мунун алдында селден улам Ош облусунда өзгөчө кырдаал режими киргизилген эле.
20-21-22-апрель күндөрү нөшөр жаандан улам Ош облусунун Алай, Кара-Кулжа, Өзгөн, Кара-Суу жана Ноокат райондорунда, Жалал-Абад облусунун Базар-Коргон, Сузак, Ноокен жана Токтогул райондорунда сел жүрүп, ондогон үйлөрдү суу каптады жана бир катар автоунаа жолдору жабылган.
Ошто селден бир киши, чагылгандан дагы бир адам каза тапты. (ErN)
Дагы караңыз
Аксы районундагы борбордук базар мамлекетке кайтарылдыДепутат Ормонов Сүйөркулов көчөсүндөгү үйдүн маселесин чечүү жолун сунуштадыЖалал-Абадда дагы 40тан ашык үйдү сел каптадыСадыр Жапаров Азербайжанга баратУлуттук банк рыноктон дагы 25,8 млн доллар сатып алдыКыргызстан-АКШ консультациясы: Жарандык коомдун жана сөз эркиндигинин абалы талкууланды