Жогорку Кеңештин мурдагы депутаты Камчыбек Жолдошбаев мамлекетке келтирилген зыяндын ордун толук төлөп, тергөө абагынан чыкты. Бул тууралуу Улуттук коопсуздук боюнча мамлекеттик комитети (УКМК) маалымдады. Маалымат ылайык, экс-депутат мамлекетке келтирилген зыяндын ордун - 150 млн сом төлөп берди.
19-апрелде Биринчи май райондук соту Жолдошбаевдин бөгөт чарасын өзгөртүп, эч жакка кетпөө тууралуу тилкаттын негизинде тергөө абагынан чыгарды. Учурда тергөө иштери улантылып жатат.
18-апрелде Биринчи Май райондук соту "салык төлөөдөн качуу" жана "алдамчылыкка" шек саналып кармалган Жолдошбаевдин камактагы мөөнөтүн 19-июнга чейин узартканы кабарланган.
УКМК “Беш-Сары” ишканасынын негиздөөчүсү Жолдошбаев кармалганын 22-февралда билдирген. Мекеменин маалыматына караганда, “Беш-Сары” компаниясы көп жылдардан бери кош бухгалтердик эсеп жүргүзүп келгени аныкталган. Атайын кызмат мындан сырткары документтеринде соода жайлары үчүн алынган пайда жасалма түрдө төмөндөтүлүп, салык органдарына жалган маалымат берилип турганын кабарлаган.
УКМКнын жетекчиси Камчыбек Ташиев 2023-жылы декабрда атайын кызматтын Аламүдүн райондук бөлүмүнүн жаңы имаратын ачып жатып ири соода-сатык комлекстеринин ээлерин өлкөдөгү эң бай адамдар катары сыпаттап, Аскар Салымбеков, Мелис Мырзакматов, Чолпон Султанбекова, Турсунтай Салимов, Курманбек Байтереков, Камчыбек Жолдошбаев, Кубатбек Байболов, Элвира Сурабалдиева, Чыңгыз Алканов деген ысымдарды атаган.
Камчыбек Жолдошбаев - “Беш-Сары” компаниясынын негиздөөчүсү жана кожоюну. Ал парламенттин VI чакырылыштагы депутаты болгондо айрым талаштуу билдирүүлөрү менен таанылган. (ZKo)
Дагы караңыз
Казакстан: Суу ташкындан кийин бийликти сындаган эки киши абактан чыктыТикТоктун бөгөттөлүшү ишкерлерди санаага салдыБеларуста ири ишканага кибер чабуул жасаган топ саясий туткундарды бошотууну талап кылуудаКыргыз-казак чек арасындагы эки өткөрмө бекеттин иши жанданатЖогорку сот Бишкекте митингдерге тыюу салган чечимди күчүндө калтырдыЗардалыга жол салынып, туризм өнүгөт