Украинанын Токмак шаарында каза болгондордун саны онго жетти

Украинанын Запорожье облусундагы Токмак шаарынын кире бериши.

Украинанын Орусия көзөмөлдөгөн Запорожье облусунун Токмак шаарында уранды астынан дагы төрт адамдын сөөгү алынды. Ошентип, кечээ кечинде болгон атышуудан каза болгондордун саны онго жетти. Бул тууралуу Орусия дайындаган аймактын башчысы Евгений Балицкий билдирди.

Каза болгондордун арасында үч бала бар. Эки адам дайынсыз, он сегиз адам жабыркаганы айтылууда.

Ишемби күнү эртең менен уранды астынан беш адам куткарылды.

"Денеси күйгөн жана жараат алган адамдар медициналык мекемеге жеткирилди, алардын үчөөнүн абалы оор", - деп жазды Балицкий.

12-апрель күнү кечинде Балицкий Украинанын аскерлери тарабынан Токмактагы көп батирлүү үйлөр аткыланганын билдирген. Натыйжада жеке сектордогу 25 үй жана көп кабаттуу 9 үй газсыз калган.

Бул окуяга Украина тарап комментарий берген жок.

  • Запорожье облусундагы Токмак шаары орус аскерлеринин көзөмөлүндө. Запорожье облусунун бир бөлүгүн согуш башталганда эле Орусия басып алган, бирок анын борбору Запорожье шаары Украинанын көзөмөлүндө турат.
  • 2022-жылы сентябрда Владимир Путин Запорожье облусунун Орусияга кошулуусу тууралуу жарлыкка кол койгон. Бул чечимди дүйнө өлкөлөрүнүн көпчүлүгү тааныган эмес.

Дагы караңыз

Кыргыз-тажик чек арасын тактоочу топ калган тилкелерде талаа иштерин жүргүздүКүрөш: Айпери Медет кызы Азия чемпионатынын финалында күрөшөтАнталияда асма жолдон жабыркаган кыргызстандык кыз ооруканадаУрал дарыясынын деңгээли Оренбург шаарында 1171 сантиметрге чейин жеттиМэрия Ататүрк паркындагы мыйзамсыз курулуштарды бузатАктер Азиз Мурадилаевдин эстелиги коюлдуАба ырайы: жаан жаап, күн күркүрөйт