Орусия бүгүн 27-мартта Украинанын Харьков шаарына авиабомба менен чабуул койгонун жергиликтүү бийлик билдирди. Шаар мэри Игорь Тереховдун айтымында, күндүз урулган соккудан бир киши каза болду, 16 киши жараат алды, бир нече үй, мектеп талкаланды.
Харьков облустук полициясынын Тергөө комитетинин башчысы Сергей Болвинов билдиргендей, 2022-жылдан бери алгачкы жолу шаарга авиабомба менен чабуул коюлду. Фугастык авиабомбанын негизинде жасалган УМПБ Д-30 СН колдонулду.
Ал эми орусиялык блогерлер башкарылуучу авиабомбалар (КАБ) түшкөнүн жазышты. Буга чейин мындай бомбалар менен чабуул Авдеевканы ээлөөдө жасалган. (RK)
Дагы караңыз
Шереметьеводо кармалып тургандар Кыргызстанга кайтат 27-март: Бир тууган Матраимовдор камалды, Москвада теракттын курмандыктары 140ка жеттиГаза: "Ата-энем көз ачып жумгуча күлгө айланды"Жаныбек казынын Шинжаңдагы күрөшү