Парламенттин тармактык комитетинде Мамлекеттик тил жана тил саясаты боюнча улуттук комиссиянын төрагасы Каныбек Осмоналиев мамлекеттик органдардагы кыргыз тилинин колдонулушу боюнча отчет берди.
“2023-жылы Президенттик администрация иш кагаздарынын 53% кыргыз тилинде жүргүздү. Бул 2022-жылга салыштырмалуу 9% өстү. Эң көп 82% Жогорку Кеңеш, ал эми төмөнкү Коргоо министрлигинде 2% төмөндөө болуп, өсүш болбой жатат. Бул министрликтин иштөөдөгү өзгөчөлүгү болууда”, - деди Осмоналиев.
2023-жылдын 18-январда “Кыргыз Республикасындагы мамлекеттик тил жана тил саясатынын маселелери жөнүндө” токтом кабыл алынган.
Былтыр 17-июлда президент Садыр Жапаров “Мамлекеттик тил жөнүндө” конституциялык мыйзамга кол койгон. Ага ылайык мамлекеттик мекемелерде иш кагаздар милдеттүү түрдө кыргыз тилинде жүргүзүлүүгө тийиш. Эл алдындагы расмий иш-чаралар да мамлекеттик тилде өткөрүлөт. (TSh)
Дагы караңыз
Ошто "Яндекс такси" кызматына нааразы болгондор акцияга чыгышты