Министрлер кабинети 2024-жылы социалдык маанилүү азык-түлүктөрдүн бааларынын өсүшүн кармап тууруу боюнча план камтылган атайын тескеме иштеп чыкты. Бул тууралуу өкмөттүн басма сөз кызматы кабарлады.
Маалыматка ылайык, документте социалдык маанилүү азык-түлүк товарларына баалардын өсүүсүн ооздуктоо, ички рынокту камсыздоо жана атамекендик өндүрүштү колдоо иш-чаралары жазылган.
Кыргызстан социалдык жактан маанилүү тогуз азык-түлүктүн ичинен үчөө - картошка, сүт жана жашылча менен гана өзүн камсыздай алат. Нан азыктары, мөмө-жемиштер, кумшекер, өсүмдүк майы, эт азыктары жана жумуртканын 70% сырттан, негизинен Орусия менен Казакстандан ташып келет. (TSh)
Дагы караңыз
"Инфляция маянаны жеп жатат". Тариф жана азык-түлүк кымбаттады