Улуттук коопсуздук боюнча мамлекеттик комитетинин (УКМК) басма сөз кызматы 30-ноябрда өзү окуган мектепте теракт болот деп жалган билдирүүлөрдү жөнөтүүгө катышкан үч окуучу аныкталганын кабарлады.
Атайын кызматтын маалыматы боюнча, борбордогу №33 мектеп-гимназиясынын 9-классынын окуучулары бейбаштык кылып мектептин электрондук дарегине жалган билдирүүлөрдү жөнөткөнү такталган. Алар окуу процессин үзгүлтүккө учуратуу үчүн фейк аккаунттарды колдонуп, билим берүү мекемесинин электрондук дарегине бомба тууралуу жалган билдирүүлөрдү жиберген.
УКМК террордук актылар тууралуу жалган маалыматтарды аныктоо үчүн бардык керектүү техникалык мүмкүнчүлүктөр бар экенин эскертти.
Кылмыш-жаза кодексинин “Терроризм актысы жөнүндө атайылап жалган билдирүү” беренеси боюнча күнөөлүү деп табылган адам бир жылдан үч жылга чейин түзөтүү жумуштарына тартылат же айыпка жыгылат. Беш жылга чейин эркиндигинен ажыратуу жазасы да каралган.
Бомба тууралуу маалымат Бишкекте быйыл жазында жана жайында да көп тарап, алардын баары тең жалган болуп чыккан. Бир күндө борбор калаанын беш жеринде, анын ичинде Жогорку соттун, Ленин райондук сотунун, Санариптик өнүктүрүү министрлигинин имараттарында бомба коюлганы кабарланган окуялар болгон. Маалымат тастыкталган эмес. (BTo)
Дагы караңыз
Бишкектеги Аламүдүн базарынын соодагерлери митингге чыгыштыТашиев чек ара боюнча жолугушууларга катышуу үчүн Тажикстанга учуп кетти“Дордой”: митингдеги окуяга байланыштуу милиция бир кишини кармады Турак жай кооперативдеринин жоопкерчилигин күчөткөн мыйзам күчүнө кирдиКазак прокурору абакка кесилген Жыланбаевдин сот өкүмү боюнча жооп берген жок Ташиев "интимдик кызматтан колдонгон" аткаминерлердин тизмеси бардыгын айттыЗеленский Купянскидеги согуш тилкесине барды