Nazar news сайтынын ээси Гүлжан Шерипбаева 20-ноябрда Биринчи Май райондук сотунун чечими менен үй камагына чыкканын анын адвокаты Жаныш Бараков "Азаттыкка" ырастады.
"Гүлжан Шерипбаеванын бөгөт чарасы 20-ноябрда Биринчи Май райондук сотунун токтому менен өзгөртүлүп, үй камагына чыгарылды. Айыпталуучу макамы сакталат, сотко чейинки өндүрүш уланууда", - деди адвокат.
Шерипбаева 18-ноябрда 1-декабрга чейин Бишкектеги №1 тергөө абагына камакка алынган. Ага Кылмыш-жаза кодексинин 330-беренесинин 1-бөлүгү (“расалык, этностук, улуттук жана диний кастыкты (араздашууну) козутуу”) боюнча айып тагылган.
Журналист өзүн Улуттук коопсуздук боюнча мамлекеттик комитетинин (УКМК) кызматкерлери 16-ноябрда ал иштеген кеңседен алып кеткенин жазган. Атайын кызмат ага козголгон иш тууралуу маалымат бере элек.
Гүлжан Шерипбаева акыркы убакта социалдык тармактарда жана өзү иштеткен маалымат сайтта бийликти кескин сындап жүрчү. Бажы кызматынын төрагасынын мурдагы орун басары, коррупцияга шек саналып соттолгон Райымбек Матраимовду колдогон билдирүүлөрдү жазып турган.(ZKo)
Дагы караңыз
Газадагы апаатты көргөн казактын, Тель-Авивдеги кыргыздын баяны Эмдетпөөнүн азабы. Кыргызстанда кызамык жайылып жатат Кыргызстан "Камбар-Ата-1" ГЭСин куруу үчүн даярдык көрүүдө Армения ЖККУдан жардам суроодон баш тарттыТажикстанда оппозициячыл журналисттин агасы убактылуу кармоочу жайдан табылдыКөлбаевге байланыштуу кармалган Салимовдун уулуна издөө жарыяланды