Саламаттык сактоо министрлигинин комиссиясы Бишкекте лицензиясы жок иштеген 26 косметологиялык мекемени аныктады. Бул тууралуу министрликтин басма сөз кызматы билдирди.
Маалыматка ылайык, борбордо мыйзамсыз косметологиялык кызмат көрсөткөн сулуулук салондору, кеңселер 16-17-ноябрь күндөрү текшерилген. Жыйынтыгында лицензиясы жок иштеген 26 косметологиялык салонго 84 миң сом айып пул салынды.
Алар тиешелүү уруксат кагаздары жок эле мыйзамсыз дарыгерлик менен алектенип, медициналык кызматтарды көрсөтүп жүрүшкөн. Министрлик элди Саламаттык сактоо министрлигинен медициналык ишти жүргүзүүгө лицензия алган гана жайларга барууга чакырды.
Алардын тизмеси министрликтин сайтындагы “Медициналык жана фармацевтикалык кызмат көрсөтүүлөрдү лицензиялоо” бөлүмүндө бар. (BTo)
Дагы караңыз
Акыйкатчы институту: Шерипбаева коюлган айыпка макул эмес экенин айттыПрезидент Жапаров УКМКнын төрагасы Ташиевди кайтарууну күчөттүМыктыбек Оролбай уулу UFC уюмундагы биринчи беттешин жеңдиКыргыз киносуна быйыл 348,8 млн сом бөлүнгөн Би-Би-Си: Украинада кеминде 37 миң орус аскери набыт болду