Кыргызстанда Германия каржылаган мамлекеттик ипотека программасы аркылуу соңку эки айда былтыркы бир жылга салыштырганда 4,5 эсе көп насыя берилгенин, жаңы өтүнмөлөрдү кабыл алуу убактылуу токтогонун бүгүн 30-октябрда Мамлекеттик ипотека компаниясынан билдиришти.
Мекеменин маалыматына караганда, Германия өнүктүрүү банкы каржыланган «Кыргыз Республикасында турак жайды каржылоо» (KFW) программасынын үчүнчү фазасы боюнча быйыл сентябрь, октябрь айларында 1 млрд 350 млн сомдон ашык суммага 670 ипотекалык насыя берилди.
Бул былтыр бир жыл ичинде берилген насыялардан 4,5 эсе көп.
Үчүнчү фаза быйыл 21-августта башталган.
Программа 2020-жылы ишке ашырыла баштаган, ошондон берки үч фаза алкагында жалпысынан 2,3 млрд сомго 1 445 насыя берилди.
KFW программасы боюнча жаңы өтүнмөлөрдү кабыл алуу чектелүү каражаттан улам 11-октябрда токтогону, каржылоо келерки жылы улантылары маалымдалды.
Кыргызстанда мамлекеттик ипотека системасы 2015-жылы иштей баштаган. (RK)