Кытайдын Мамлекеттик Кеңеши-өкмөтүнүн мурдагы башчысы Ли Кэцян 68 жашында көз жумганын 27-октябрда мамлекеттик "Синьхуа" жазды. Маалыматка караганда, ал жүрөгү кармап каза тапкан. Reuters агенттиги дарыгерлер колунан келген аракетин көрсө да, анын өмүрүн сактап калууга мүмкүн болбогонун жазды.
Ли Кэцян Мамлекеттик Кеңештин премьери кызматын он жыл аркалаган. Соңку жылдары жумушчу орундарын түзүп, пандемиядан кийин туруктуулукту камсыздоо үчүн өлкөнүн экономикалык саясатын өзгөртүүгө чакырып келген. Анын көптөгөн билдирүүлөрү Кытайдын лидери Си Цзинпиндин саясатына каршы болчу.
Ли Кэцяндын ордуна быйыл мартта Ли Цян келген.
Эксперттер Ли Кэцянды партиянын жогорку кызматын ээлеген соңку технократ деп аташчу. Ал кызматтан кеткенден кийин Коммунисттик партиянын Политбюросунун Туруктуу комитетинин курамынан да чыгарылган.
Дагы караңыз
Бишкекте үч бала өрттөн куткарылдыЧакан жана орто бизнеске четтен тартылган инвестиция көбөйдүГрузияда жаза өтөп жаткан кыргызстандыктарды экстрадициялоо маселеси талкууланды