2023-жылдын үчүнчү кварталына карай, Кыргызстанда жалпы жашоо минимуму 7 756 сом деп эсептелди. Улуттук статистика комитети маалымдагандай, эмгекке жарактуу калктын жашоо минимуму - 8 888 сом. Ал эми пенсия курагындагылардыкы - 6 878 сом, балдардыкы - 6 598 сомду түзөт.
Быйылкы жылдын биринчи кварталында жашоо минимуму 7 500 сом деп эсептелген.
Жашоо минимуму – адамдын күнүмдүк жашоо-тиричилигине жетиштүү азык-түлүк менен тейлөөнүн минималдуу наркын камтыган көрсөткүч.
Эл аралык республикалык институттун (International Republican Institute) быйыл, май айында Кыргызстанда жүргүзгөн сурамжылоосуна катышкандар үй-бүлөсү дуушар болгон эң олуттуу көйгөй катары насыяны төлөөдөгү кыйынчылыкты (20%), жумушсуздукту (15%), кымбатчылыкты (12%) жана эмгек акынын аздыгын (11%) көрсөтүшкөн.(ZKo)
