Украинанын чыгышында акыркы 24 саатта кеминде беш карапайым киши каза тапканын 29-августта аймактык бийлик өкүлдөрү билдиришти. Донецк облусунун губернатору Павел Кириленконун айтымында, дагы беш киши жарадар болду.
Маалыматка караганда, Мариупол жана Волноваста да мерт кеткендер бар, бирок алардын так саны азырынча белгисиз.
Бир күн мурда орус аскерлери Полтавадагы заводду аткылаганда үч жай тургун окко учкан. Дагы бир киши Херсондо каза болгон.
Украин армиясынын Башкы штабы шейшембиде билдиргендей, майдандын чыгыш жана түштүк тилкелеринде айыгышкан салгылашуулар уланууда, куралдуу күчтөр Мелитопол багытында чабуул коюп жатышат.
Башкы штаб украин аскерлери буга чейинки ийгилигин бекемдеп жатышканын кошумчалады. Запорожье облусундагы сөз болгон шаар орус аскерлери үчүн Москва аннексиялап алган Крым менен Украинанын оккупацияланган аймактарын туташтырган маанилүү транзит хабына айланган.
Орусиянын Коргоо министрлиги 29-августта маалымдаганына караганда, Тула облусунда украиналык эки дрон атып түшүрүлдү. Бирок окуя качан болгону жана так жери, келтирилген чыгым айтылган жок.
Буга чейин министрлик Белгороддо дагы эки дрон жок кылынганын билдирген. Киев бул маалыматты комментарийлеген эмес.
Дагы караңыз
Түндүк-түштүк кошумча жолундагы "Көк-Арт" тоннели казылып бүттү CPJ кыргыз бийлигин "Клоопту" жоюу арызын кайтарып алууга чакырдыМинистрлик Киров суу сактагычында абал өзгөрө электигин кабарладыСуу кескин азайды. Кировдогу азыркы абал