Украинанын президенти Владимир Зеленский 5-августта кечиндеги Орусиянын чабуулунда Харьковдогу кан борборуна башкарылуучу бомба түшкөнүн билдирди.
Ал Твиттердеги баракчасына жарым-жартылай кыйраган имараттын сүрөтүн жайгаштырып, соккуда мерт болгондор, жараат алгандар бар экенин жазды. Өрттү өчүрүү уланып жатканын билдирди.
Азырынча мындан башка маалымат бериле элек.
Москва бомба чабуулу тууралуу комментарий берген жок. Орусия согуш маалында жарандык объекттерге атайлап же кокусунан жасалган соккуларга байланыштуу дооматтарды четке кагып келет.
Жарым-жартылай талкаланды делген имарат Харьковдун чыгышындагы Купянск шаарчасында жайгашкан.
Өткөн айдан бери орус армиясы аталган аймакка бастырып кирүүгө аракет кылып жатат. Украиналык мониторинг каналдарынын ырасташынча, мындан улам абадан сокку уруу, анын ичинде бомба менен атуу көбөйдү.
Дагы караңыз
ИИМ көчөдө тапанча менен опузалаган адамга карата иликтөө баштадыТашиев күйүүчү майдын баасын 63-64 сомдон ашырбоону тапшырды Ошто денесинин беш жерине ок тийген жаран ооруканага түштү Ош: жаңы курулуп жаткан жөө өтмөктүн бетон тирөөчтөрү куладыБишкек-Чолпон-Ата жолунда дем алыш күндөрү көзөмөл күчөтүлөт