Daily Express басылмасы өз булактарына таянып Британияда эки миңден ашык украиналык жоокер контрчабуулга даярданып жатканын жазды. Алардын башкы максаты Орусия аннексиялап алган Крымды кайра кайтаруу операциясына катышуу экенин билдирди.
Британиядагы украин жоокерлеринин машыгуусу тууралуу расмий маалымат бериле элек.
Басылманын ырасташынча, машыгуу полигону Британиянын түштүк-батышындагы Дартмурда жайгашкан жана пресса үчүн жабык.
Британ адистери Украинанын Коргоо күчтөрүнүн "элиталык бөлүгүн" машыктырып жатат. Алар абадан жана жерден чабуул жасоо операцияларына катышат. Daily Express бул операция ушул жылдын аягына чейин ишке ашат деп билдирген.
Киев менен Лондон буга байланыштуу комментарий бере элек.
Ушул айдын башында Украинанын президенти Владимир Зеленский Киев контрчабуулга даяр экенин жарыялаган.
Жекшембиде, 30-июлда өлкөнүн коргоо министринин орун басары Анна Маляр “Телеграм” каналына украин күчтөрү Бердянск жана Мелитополь багытында “акырындап болсо да илгерилегенин” жазган. Ал "контрчабуулдун бардык багыттары боюнча кармаш уланып жатканын” айткан.
Ага чейин The New York Times басылмасы Пентагондогу булактарына шилтеме кылып, Украинанын армиясы күчүн Запорожье облусуна топтоп, контрчабуулдун негизги баскычын баштаганын маалымдаган. Анда башкы максаты - Орусия басып алган Украинанын түштүктөгү аймактарын аннексияланган Крым менен байланыштырган жолду алуу экенин белгилеген.
Дагы караңыз
Моравецкий: "Вагнерчилер" Польша менен Литванын чек арасына жакын жерге жеткирилдиИталиянын коргоо министри Кытай долбооруна кошулган өкмөттү сындадыЖурналисттер Украинадагы согушта өлгөн 28 миңден ашык орусиялык аскердин тек-жайын тактадыКаракалпакстан Өзбекстандын жакыр аймактарынын сап башында аталдыОрусия Москва дрон чабуулуна туш болгонун билдирди