Израилдин парламенти - Кнессет өлкөдө жапырт нааразылык жараткан сот реформасына байланыштуу биринчи мыйзам долбоорун 24-июлда жактырды. Бул тууралуу The Jerusalem Post басылмасы жазды.
Оппозициялык депутаттар акыркы добуш берүүгө бойкот жарыялашкан, бирок башкаруучу коалициянын 64 мүчөсүнүн добушу мыйзамды кабыл алууга жетиштүү болду.
Мыйзам долбоору Жогорку Соттун өкмөт чыгарган чечимдерди жокко чыгаруу укугун чектейт. Коомчулукта бул документ бийликти кыянаттык менен пайдаланууга мүмкүнчүлүк түзөт деп сындашууда.
Оппозиция мындай өзгөрүүлөрдүн жыйынтыгында соттор көз карандысыздыгын жоготуп, өкмөттүн чечимдерин көзөмөлдөө кыйын болуп калат деп эсептешет. Бийлик мындай дооматтарды четке кагып келет.
Израилде миңдеген адамдар сот реформасына каршы бир канча жолу акцияга чыгышкан.
Дагы караңыз
Кутманованын уулу депортация борборунда экени маалым болду Ооганстанда нөшөрлүү жаандан кийин каза тапкандар 40ка жакындады Армения, Азербайжан, Орусиянын тышкы иштер министрлери Москвада жолугушат