17-июлда Крым көпүрөсүндө жол кыймылы жардыруудан улам токтоп калды. Телеграм-каналдар көпүрөнү тиреген конструкция жардырылганын кабарлашууда, бирок Орусиянын Транспорт министрлиги трассага гана зыян кетирилгенин билдирди. Аннесияланган Крымдын башчысы Сергей Аксенов «чукул окуядан улам» көпүрөдө машиналардын кыймылы үзгүлтүккө учураганын Телеграм-каналына жазды.
Окуянын чоо-жайын азырынча толук билдирише элек. Аксенов жана Транспорт министрлиги жарым аралдын тургундарын Украинанын оккупацияланган аймактары аркылуу алтернативдүү маршруттарды тандоого чакырышты.
Орусиялык Baza жана 112 Телеграм-каналдары өз булактарына таянып жазганына караганда, көпүрөдө бараткан машинада белгороддук үй-бүлө - күйөөсү менен аялы каза тапты. 14 жаштагы кызы аман калганы, оор жараат алганы маалымдалды. Социалдык тармктардагы видеолордон ал машина кандай жагдайда кырсыкка учураганын аныктоо мүмкүн эмес.
Кийинчерээк Белгород облусунун губернатору Вячеслав Гладков бул маалыматты бышыктады.
Былтыр октябрда Крым көпүрөсүндө оор машина жарылып, күйүүчү май ташыган поезд өрттөнүп, көпүрөнүн бир бөлүгү керектен чыккан болчу.
Дагы караңыз
Блогердин иши: соттун чечими, дарыгерлердин кайрылуусу Бишкекте газ койдурууга жеңилдетилген насыя берүү башталат АКШ Орусияга дан келишиминен чыгуудагы кесепетти эскертти Украина: Сумыга сокку урулду, "Шахеддер" Румыниянын аба мейкиндигин бузду