Алмаз Мамбетов Азербайжан-Кыргыз өнүктүрүү фондунун башкармалыгынын теңтөрагасы болуп дайындалды. Тиешелүү тескемеге министрлер кабинетинин төрагасы Акылбек Жапаров кол койду. Бул тууралуу өкмөттүн басма сөз кызматы кабарлады. Маалыматка караганда, Мамбетов үч жылдык мөөнөткө дайындалды.
Аталган фондду түзүү тууралуу макулдашууга былтыр октябрда Азейрбайжан президенти Илхам Алиевдин Кыргызстанга болгон мамлекеттик сапарында кол коюлган. Уставдык капиталы 25 миллион доллар болгон Кыргыз-Азербайжан өнүктүрүү фонду экономикалык кызматташтыкты жакшыртуу үчүн иштей турганын билдирген.
47 жаштагы Алмаз Мамбетов былтыр ноябрда Ош шаарынын мэри кызматынан алынган. Ал бир жылдан ашык иштеген учурунда таза суу көйгөйүн, Ошто айланма жол куруу сыяктуу ири долбоорду чечүү сыяктуу убадалары ишке ашкан эмес.
Мамбетов ага чейин президенттин жана өкмөттүн иш башкармалыгынын жетекчиси, Мамлекеттик каттоо кызматынын төрагасы, Балыкчы шаарынын мэри болуп иштеген. (КЕ)
Дагы караңыз
Түштүк Корея Украинага гуманитардык жардамын көбөйтөтТаза сууну талап кылган акциядан кийин үч киши камакка алындыСелекция айылынын айрым тургундары сурак бергени кабарландыHyundai жана Kia заводдорун Кыргызстанда ачуу сунушталды